دارت تساؤلات كثير عن إيه هو حلم النور! وناس كثير افتكرت إننا هانفضل أون لاين بس.

لكن حلم النور هاينزل لمجموعة من محافظات مصر، هدفنا نتقابل مع الشباب الموهوبين اللى نفسهم يطوروا مواهبهم وينموا شخصياتهم عشان يقدروا يحققوا أحلامهم.

هاتتعمل أحداث فى أربع محافظات، كل مجموعة محافظات هاتتجمع فى واحدة لحضور اللقاء ده اللى هايبقى فيه احتفال فنى شيق من فريق من المحترفين وكمان هايكون فيه تدريبات لتنمية المهارات. هانتعرف على بعض وعلى أحلام بعض. وهانحلم سوا إزاى العالم يتغير بفننا. وهانبدأ من شوارعنا هانكلم المجتمع وننوره بفننا.

ماتنساش تسجل عضويتك فى الموقع لأن التقديم لكل الاحداث الجاية هايبقى من خلال اسم المستخدم بتاعك فى موقع حلم النور.