الصفحة الرئيسة / من نحن
من نحن
مؤسسة مصرية أهلية، غير حكومية، لا تهدف الى الربح، بدأت كمبادرة فنية سنة ٢٠١٤ وتم قيدها عام ٢٠٢١ برقم ١١٤١٦ بوزارة التضامن الاجتماعي، هدفها اكتشاف، وإعداد، وتدريب الشباب العربي الموهوب على المهارات المطلوبة؛ علشان يكونوا شخصيات فنية قادرة على التواجد والتواصل مع المجتمعات الفنية المحلية والعالمية. وده ها يحصل من خلال تنمية قدرات الشباب النفسية، والاجتماعية، والفنية؛ علشان يأثروا فى حياة الآخرين ويكونوا نور لمجتمعاتهم وللعالم كله.
مؤسسة حلم النور للتنمية بالفن
المشهرة برقم ١١٤١٦ لسنة ٢٠٢١ بوزارة التضامن الاجتماعي
عقيدة حلم النور
إحنا فى حلم النور قناعتنا إنه لكل إنسان حلمه الخاص إللي عليه إنه يشتغل ويسعى علشان يعيشه ... ومصدقين إننا بأحلامنا ومن خلال الفن نقدر نغير مجتمعات وشعوب.
هدفنا
هو تقديم فنان مؤثر صحيح نفسياً، وفنياً، واجتماعياً … قادر على المشاركة في مجتمعه المحلي والمشاركة دولياً.
الفئة المستهدفة
الشباب فى جميع الدول العربية
مجالات التنمية
فنياً
أن يكون الشباب الموهوب مستعد للتطوير وحاصل على دراسة منهجية احترافية بمراحل وأهداف محددة، وفي زمن معين. وأن يكون قابل للتعلم باستمرار وعنده المهارات والقدرات إللي تؤهله للوصول إلى العالمية.
نفسياً
أن يكون الشباب ناضج، ومقبول، وعلى استعداد لقبول الآخر.
اجتماعياً
أن يكون الشباب محبوب، ويقبل الآخر، ولبق، ويتعامل مع الآخرين حسب قواعد الإتيكيت، ومثقف، وقادر علي نقل فكرته بطريقة سهلة، ومؤثر بهدوء وحكمة.
طريقة الوصول
لهدفنا هايكون
من خلال
لقاءات ومعسكرات تدريب فنية
ورش تدريب فنية متخصصة
مشاريع فنية
مبادئنا
١. النور بيشع من جواك: من جوه لبره.
٢. هانعيش إللي بنؤمن بيه وبنقوله.
٣. هانتحمل التبعات و تكلفة المسيرة : من مقاومة من المجتمع وعدم تشجيع، … إلخ.
٤ إللى يجى فى سكتى مسؤليتى: هانوصل النور لكل إللي نقابله؛ ونعتبر دى مسؤليتنا.
٥. إحنا مش بنحتكر النور و فيه غيرنا كتير بيعملو أثر : هانساعد كل حد ليه نفس المبادئ والأهداف؛ حتى لو مش هنعلن عن نفسنا كمؤسسة.
٦. الصراحة والشفافية فى كل حاجة، على قد مانقدر.
٧. مؤسسة حلم النور غير هادفة للربح مطلقا.
هل ترغب في التواصل مع حلم النور؟
