مبادئ عضوية حلم النور

طيب إيه هو النور؟

النور هو كل فكرة، وكلمة، وفعل يرتقي بالإنسانية؛ وفوقهم كل تعريفاتك الخاصة بالنور، إللي تحس في قلبك إنها نور.

عضويتك لا تعني:

إنك هاتحضر كل الأحداث إللى جاية؛ لكن هاتعرف أخبارها قبل وبعد.
إنك متطوع للعمل فى حركة حلم النور لكن ممكن تطوع معانا عن طريق اللينك ده (تطوع معنا)

حقوق العضو:

• "إنك هاتعرف كل أخبارنا أول بأول."
• "إننا هانساعدك تنور وتحقق حلمك، على قد مانقدر، ولو في إيدينا إننا نعمل ده."
• "إنك مسموح لك تستخدم كل المواد إللى بنقدمها؛ لنشر النور."
• "إنه هايكون مفتوح ليك باب التقدم للأحداث الجاية، لو ينطبق عليك شروط التقديم، من: السن، ومكان السكن، و… إلخ."
ومهم قوى عندنا، إنك تعرف إن كل عضو فى حلم نور، حتى لو كان مش بيتحرك معانا، لكن بينشر النور فى حياته ومجتمعه بطريقته الشخصية، هو عضو مهم جدا، ودوره ليه مكان في مبادرة حلم النور.

واجبات العضو:

١. نشر مبادئ مبادرة حلم النور.
٢. احترام باقي أعضاء مبادرة حلم النور.
٣. كل واحد ليه دور هايكمله للآخر بأمانة.
٤. مساعدة غيرك إنه يكتشف موهبته وحلمه وتشجعه للإنضمام لمبادرة حلم النور.

ماذا عن إنتاج حلم النور الفني؟

كل إنتاج حلم النور الفني، من: صور، وفيديوهات، ومشاريع مستقبلية مفتوح للكل إنه يقدر يستخدمه ويعيد نشره ... ويقدر يطلبه مننا علشان نديه له، بأعلى جودة موجودة عندنا.

هل فيه شروط لالتحاقى بحلم النور؟

شروط الالتحاق:
• أن تكون مستعد لقبول التعامل مع أعضاء تانيين مختلفين معاك في الفكر، أوالعقيدة، أوالجنس، أواللون، أو الجنسية بفكر منفتح وبمحبة.
• أن يكون عندك وقت تساعد في نشر المبادرة.
• أن تشارك بالمجهود بشكل إيجابي، وفعال، وملموس.
• بدون مقابل مادي.